Прва збирка поезија
“Животна сага” е насловот на првата збирка поезија од поетесата Ирена Ангелеска. Првата збирка остава белег во културолошкото и пишуваното творештво во македонската современа литература и книжевност.
Поетесата вели дека секоја песна отсликува дел или момент од нејзиниот живот. И речиси секоја песна í е посветена на некоја личност која била дел од нејзиниот живот, покажувајќи колку многу и значат или и значеле.
– Песните на Ангелеска се естетски и визуелно убави, едукативни и често енигматични – вели рецензентот д-р Гордана Такец.
Стиховите го отсликуваат природниот, реалниот свет.
– Темите се одбрани со вкус и емоција на поет реалист. Доаѓа до израз нејзиниот романтичарки темперамент, давајќи белег на убавината што доминира во збирката. Книгата е поетски запис кој блика од емоции, емпатија, љубов на сериозен претставник на овремениот романтизам кој мајсторски управува со сопствените чувства со кои се напоени стиховите. Поезија главно е позитивна и оптимистички настроена кон едно изгрејсонце и соѕвездие полно со надеж. Поетското дебитирање блика од среќа, како најубав подарок што таа може некому да го подари – забележува д-р Такец за првото дело на Ангелеска.
Во збирката објавени се и стихови од татко í Борко Атанасоски, под името “Латентна љубов”.
Ангелеска пишува од рана возраст, објавувајќи стихови во повеќе списанија. Учествувала на поетски манифестации. Член е на Клубот на литературни творци.
Таму
И таму
во далечината
на нашето постоење
ја чекав
судбината
да ми го покаже патот
на нашето
секодјневие.