Кандидатот за градоначалник на Интегра, Зоран Митрески, најавува
За време на сите 30 години од нашето осамостојување сме имале многу можности од Прилеп и Македонија да направиме не само оаза на мирот, туку и оаза на животот. Со помош на Интегра не е доцна да ги вратиме странските и домашните инвеститори спремни да инвестираат во енергетиката, ИТ технологија, рударство и земјоделство во Прилеп.
Различноста во мојата кандидатура е во тоа што не доаѓам како политичар, туку како менаџер од реалниот сектор кое знаење е многу важно,за да се знае и умее како да се планираат и реализираат нештата од почеток до крај без политички гимнастички флоскули и празни приказни. Неопходна ни е револуција на свеста за да го ослободиме умот од прангите на мутираните мрачни сили кои не убиваат во секоја смисла по хоризонтала и вертикала.
Доколку го дадете вашиот глас за мојот избор за градоначалник, веднаш почнуваме со подготовка за реализација на:
-Средување на сите комунални недостатоци, современи возила за собирање на отпад, како и надоградување и асфалтирање на локалната патна инфраструктура со дополнителни кружни текови и пешачки/велосипедски патеки.
-За транспарентноста од јавен интерес, ќе се формира локален ТВ канал кој ќе биде надпартиски во служба за објективно информирање на сите граѓани подеднакво.
-Комплетна дигитилизација во сите јавни установи за ефикасно обезбедување на потребните документации без да се напушти домот. Реорганизација на локалната управа и работно време до 19 ч. во интерес за обезбедување на сите потребни документации за кои е неопходно лично присуство на граѓаните.
-Возобновување на централното подрачје и околината на градот со нова свежина со паркови и зеленило за рекреација на сите возрасти.
-Изградба на огромна соларна енергетска зона со голем број на нови вработувања како за време на тековната инсталација на овие системи, така и за техничко одржување после изведбата.
-Можност на секој граѓанин и фирми за кофинансирање во овие соларни системи. Наместо своите заштедени средства да ги уплаќа во комерцијалните банки и секоја година да губи од нивната реална финансиска моќ, ќе им се овозможи исплата и профит на годишно ниво на име дивидента.
-Овозможување на брза постапка во добивање на документација за изведба како за овие системи, така и за сите напредни проекти во интерес на физичките и правните лица од Прилеп.
-Изградба на нови рудници за мермер, гранит, травертин итн. и фабрики за нивни полуфабрикати од светски брендирани фирми, кои ќе обезбедат голем број на нови вработувања.
-Преку фондот за инвестиции и развој формиран од самата локална управа, ќе се овозможи отплата од 1-3 години на соларни системи за физички лица до 50 Књ, инсталирани на своите покривни површини во однос на големината на покривната површина и своите потреби.
-Преку истиот фонд ќе се обезбеди помош за отплата на соларни системи за хидро наводнување во земјоделството со отплата од 1-3 години, како и сите останати потреби на земјоделците.
-Спортскиот аеродром во с. Мало Коњари ќе се надогради, со цел за користење на авиони приспособени за прскање и заштита на земјоделските култури, хемиско распрскување со цел растерување на градобијните облаци, следење на ситуацијата на терен во рано откривање на регионални пожари преку летниот период, како и намена за сите воздухопловни спортски активности.
-Ќе се инсталираат системи за електрични возила во јавниот и приватниот сектор. Овие возила не се апстрактност и илузија, туку неопходна трансформација во сообраќајот која веќе се случува низ целиот свет. Не е точно дека нивната цена е висока и недостижна, таа е дури пониска и од цената по која ги купуваме половните возила од брендираните западноевропски возила на фосилни горива.
-Гасоводот е близу, а сепак далеку од финално приклучување во нашите домови. Во меѓувреме ќе инсталираме централни комбинирани соларно-водородни системи во постоечките парни системи.
-Развој на сите можни спортови и соодветни спортски терени за здраво тело и здрав дух, кој и тоа како денес ни е потребен.
-Реновирање на театарот
-Градба на современи старски домови со паркови според светски критериуми за достоинствен живот во трето доба.
-Уште многу други содржини кои ќе ги реализираме за време на мандатот во корист на секого од нас.
Нашиот живот е само наш и дозволете со заеднички сили и сериозно подржана локална програма да си го повратиме назад.
-Тоа не зависи од никој друг, туку од самите нас – порачува Митрески.