Комуналците темелно го чистат отпадот од Дабнички канал. Паралелно ја чистат треви и троскот од камените зидови по каналот. После ќе се пристапи со машинско чистење и собирање на отпад и тиња од коритото, а по исцедувањето отпадот ќе се транспортира до депонијата во Алинци. Чистите камени ѕидови се третираат со средство за против плевели.
Покрај апелите за чиста животна средина, никако да престане праксата на несовесните граѓани Дабничкиот канал и речното корито да им служи за фрлање на отпад. Комуналците се надеваат дека дел од граѓаните правилно ќе го одлагаат отпадот и ќе стекнат навики да ја сакаат и чуваат животната средина.
