Томе Велјаноски продолжува со донациите
Нашинецот Томе Велјаноски од Шведска продолжува да испраќа патерици за помош. На штитениците од Домот за стари лица во Самоков дониран е пакет со 10 чифта патерици. Се прават напори и за донација во Старскиот дом “Киро Крстески – Платник” во Прилеп.
Донацијата ја реализира Здружението на инвалидски пензионери.
На Боге Пеоски, инвалидски пензинер, му е олеснето движењето. Се подаруваат помагала дури и на оние на кои ќе им притребаат можеби во иднина.
Досега се распределени помагала, патерици и бастуни на над стотина пензионери. Преку Здружението на старосните пензионери, десетина чифта стигнаа и до Ново Село, Струмица.
Иако се користени од слични здруженија од Шведска, Велјаноски ги праќа по пошта за да им помогне на своите сограѓани.
