Витаминка
Витаминка ги применува најновите стандарди за безбедност на храната. Стандардизацијата на производството и имплементирањето на принципите, позитивно се одразуваат врз производството, стекнувањето доверба од потрошувачите и на подобрата позиционираност на пазарот. На тема Меѓународниот стандард за безбедност на храната – поголема доверба и конкурентност на компаниите во Стопанска комора на Македонија, Витаминка беше издвоена како компанија што навремено и доследно ги внесува новите стандарди и беа посочени предностите што применувањето на стандардите ги носи за компаниите во производниот сектор.
– Витаминка има воспоставено и доследно го применува и го подобрува системот за управување со квалитет и животна средина усогласен со барањата на стандардите ИСО 9001:2015 и ИСО 14001:2015, системот за анализа на ризикот во критичните контролни точки – ХАЦЦП системот, усогласен со принципите и препораките на CodexAlimentariusCommission и Светската здравствена организација, како и системот за безбедност на храната во согласност со ИФС стандардот, секако почитувајќи ги важечките законски прописи. Сите стандарди за управување со процесот, следење на набавниот и производниот синџир, складирање и доставување, редовно и навремено се надградуваат, следејќи ги последните препораки и промените, наметнати од потребите за поголема безбедноста на производите – вели Олга Ристеска, координатор за обезбедување квалитет во Витаминка.
Напредниот ИСО 22000 стандард, којшто лесно се интегрира со останатите меѓународни стандарди, коишто даваат поголем акцент на организацијата и управувањето со ризици и можности, во фабриката на Витаминка, Брилијант, е веќе имплементиран. Во текот на 2019 година предвидена е целосна имплементација и сертификација на овој стандард по новата верзија 2018 на ниво на цела компанија.
-Раното внесување на ИСО 22000:2005 како и применување на принципите на кои се базира, даде многу позитивни резултати и иницираше конструктивни промени. Јасно ги дефинираме одговорностите и надлежностите на сите вработените, ја зголемивме свесноста околу прашањата за хигиена и безбеден производ. Воспоставивме квалитетен однос со купувачите, добавувачите и вработените. Обезбедивме следливост како најважен дел, го проширивме пазарот и продажбата на масло без ниту една рекламација. Безбедниот производ е најважното прашање во меѓународната трговија и тоа мора да се почитува – вели Жаклина Георгиева, шеф на лабораторија Фабрика 3, Брилијант.
– ИСО 22000:2018 е првиот стандард кој може да се користи од страна на сите учесници во синџирот на снабдување со храна, познат како ,,од нива до трпеза,, и ги вклучува и добавувачите на непрехранбените производи и услуги, како што се производители на опрема и пакување, како и даватели на логистичките услуги. Целта на стандардот, новоревидираниот ИСО 22000:2018, е да се усогласат на глобално ниво барањата за управување со храната во прехранбената индустрија и индустриите поврзани со неа и официјално да се утврдат елементите кои влегуваат во состав на еден систем за управување со безбедноста на храната. Овој стандард е развиен на ист начин како и другите стандарди за системи на управување, а пред сé ја потенцира безбедноста на храната и обезбедува и можност за демонстрирање ефективност и континуирано подобрување на компанијата во сопственото работење – вели Емилија Тодоровска, самостоен советник во Спопанска комора на Македонија.
Витаминка го поддржа спотот на The Chicks
Женскиот музички состав The Chicks го промовира својот прв видео запис снимен со помош од Витаминка. Поддршката за младото музичко трио, значи навлегување на поп – рок музичката сцена и поддршка на македонската музичка продукција и нејзина популаризација, особено кај младите. Спотот е за песната ,,Ах тие очИ,, што ветува да биде летен хит на девојките од The Chicks, Наталија Мејанџиева, Сандра Јорданова, Моника Ѓорѓиева. Текстот за песната е авторство на трите девојки, а музиката и аранжманот се на Сашко Костов. Спотот изобилува со импресивни летни пејзажи. Сниман е кај Велес.
The Chicks е млад музички состав од Велес со доминантна женска енергија што внесува освежување на македонската сцена.
