Гимназија ,,Мирче Ацев”
Во Гимназијата ,,Мирче Ацев” се одржа настанот насловен ,,Промоција на активностите поврзани со Ресурсниот пакет за ученичко учество и заштита на детските права”. Учествуваа претседателот на ученичкиот парламент, ученикот правобранител и неговите заменици и координаторите на секторите при ученичкиот парламент во гимназијата. Беа промовирани активностите од учениците реализирани во текот на учебната 2018/19 г. Присуствуваа и претставници на Бирото за развој на образованието, советниците за образование Даница Талимџиоска и Оливера Тодороска и директорите на средните училишта.
Се претставија и ученици кои во текот на учебната година се закитија со награди освоени на натпреври. Настанот беше збогатен со музички изведби на учениците.