Претседателски избори 2019
В недела, 12 мај актуелниот претседател Ѓорге Иванов и новоизбраниот Стево Пендаровски ќе извршат примопредавање на функцијата. Пендаровски е петтиот претседател од независноста на Македонија и прв со новото име на државата. Новиот шеф на државата, како кандидат на СДСМ, доби мнозинство на вториот круг на претседателските избори на 5 мај. Според податоците на ДИК, од вкупно запишаните 1.808.131 избирачи, на гласање излегле 844.360 граѓани, или 46,7 отсто. Од нив за Пендаровски гласале 436.212 граѓани, а за Силјановска Давкова 377.713.
Во Прилеп, Гордана Сиљановска Давкова, кандидат на ВМРО – ДПМНЕ освои 20.147 гласови или 49,95%, а Стево Пендаровски доби 18.567 или 46,03%. Вкупно 1.619 или 4,01% се неважечки ливчина од вкупно 40.333. Излезноста беше 63,08%.
