Концерт на академски хор „Мирче Ацев“ од Скопје ќе се одржи в четврток 20 септември во изложбениот салон на ЦК „Марко Цепенков“. На програмата се композиции од Рахманинов, Мокрањац, Шуплевски… и сплет песни од Тоше Проевски во аранжман на Д. Темков. Диригент е Јасмина Ѓорѓеска, а пијано придружбата е на Тамара Коминовска.
Академскиот хор “Мирче Ацев” е дел од АКУД при Универзитетот “Св. Кирил и Методиј” во Скопје. Постои од 1949 година. Добитник е на домашни и странски награди.
