Свечена седница ќе одржи вечерва Советот на Општината. Продолжува традицијата по повод 3-ти Ноември, да се доделат општинските признанија со кои се крунисуваат успесите и резултатите на заслужните граѓани и фирми за едногодишните достигнувања. Ќе бидат доделени дипломи и плакети, како и највисокото признание, наградата за животно дело.
На свечената седница од 20 часот во собраниската сала во новата општинска зграда, поздравен збор ќе има градоначалникот Илија Јованоски. Втора точка на дневниот ред е одлука за доделување на награди и признанија по повод 3-ти Ноември -Денот на ослободувањето на Прилеп.
