Двајца прилепски поети се наградени на две поетски манифестации. Андриана Ристеска е наградена за најдобра песна меѓу 30 поети на „Поетската гала” во Штип. Со песната „За последен пат” Ристеска говори за љубовта, што и е честа творечка инспирација. Таа на манифестацијата „Македонска лирска поезија”, се закити уште со едно признание за песната „Зошто животе”. Наскоро планира да издаде стихозбирка.
Тони Павлески, за песната „Тивко” е награден на „Охридски поетски бисер”. Тој е горд што победил во силна конкуренција. Се радува оти добил оригинален охридски бисер во школаза награда во продуховената атмосфера на црквата Св. Петка во селото Велгошти. Павлески е познат по пишувањето на хаику поезија.
