Алијансата за позитивна Македонија формира огранок во Прилеп
Милан Тоцев е избран за прв човек на прилепската организација на партијата Алијанса за позитивна Македонија – АПМ. На Основачкото собрание, присуствувало највисокото раководство на Партијата, претседателот на АПМ, Љупчо Зиков и претседателот на Главниот одбор, Владо Бучковски.
– На Македонија í треба свежа политичка струја која ќе го забрза нејзиниот растеж и развој, и конечното влегување во евро-атланските интеграции, а притоа ќе го стагнира заминувањето на младите од земјава – рече претседателот на АПМ, Љупчо Зиков, оддавајќи му признание за сработеното на актуелниот прилепски градоначалник.
Според новозибраниот претседател на општинската организација, Милан Тоцев, расположливото членство му дава за право да верува дека вистинскиот избор на политичка опција е токму АПМ.
