Во водите на езерото кај рудникот ,,Сивец” утрово во Прилеп било пронајдено телото на исчезнатата прилепчанка Весна Николоска (50) која синот Антонио, заедно со семејството и доброволци, ја бараа три дена откако таа го напуштила домот на 16 декември во 23 часот. Нејзиниот сопруг Т.Н. (51) во полиција на 17-ти декември пријавил дека се оддалечила од домот.
-Увидот бил извршен, а по наредба на Јавен обвинител телото ќе биде предадено на обдукција – информираат од МВР.
Откако синот објави на социјалните мрежи дека неговата мајка го напуштила домот, голем број доброволци и членови на Сапсителната служба Златоврв се вклучија во потрагата по неговата мајка.
Вчера, дури се пребаруваше и во Кавадарци и Неготино.
Семејството Николоски се сопственици на слаткарницата Дизниленд – Трејд во Прилеп.