СОУ Гимназија „Мирче Ацев“
Две гимназијалки, заедно со професорката ментор од СОУ „Мирче Ацев“ беа учесници во меѓународен проект во Полска.
Ученичките Анастасија Ристеска и Доротеа Дамјановска заедно со менторот, професорката Христина Манческа од 16 до 24 ноември, беа во градот Елк во Полска, каде во организација на програмата за образование, обуки, млади и спорт “Ерасмус+” реализиран беше проектот “Determinate YOUrself”. Учествувале 24 учесници (од кои и три тренери) од 10 држави и тоа Македонија, Полска, Романија, Италија, Бугарија, Грција, Естонија, Словенија, Чешка и Литванија.
Целта на проектот беше “Психогимнастика” “Streetworking” како алатка за помош на лицата отфрлени од заедницата, како и размена на искуства, знаење и информации поврзани со проблемите на лицата и наоѓање начини за решавање на тешкотиите со кои се среќаваат бездомниците, зависниците и другите маргинализирани лица.
– Целото време беше исполнето со работилници со можност самите да ги имплементираме методите, прво на постари лица со помош од тренерите, а подоцна се поделивме во неколку групи каде ние бевме тренерите на истите методи. Работевме со бездомници, зависници и деца од различни возрасти. Навечер имавме меѓусебни презентации за земјите учесници – велат учесничките.
Учеството претставува и меѓународна презентација на гимназијата, на градот и на државата.
