Професорот и уметникот Александар Џинго не е сефте да „кисне“ в галерија. Овојпат не изложуваше свои креации, туку имаше час со учениците од 3-2 клас од Гимназијата. Наместо “затворени” во училница и “притиснати” во клупите, наставната програма по ликовна уметност им дозволи да излезат на свеж воздух и да посетат изложба во ликовниот салон на ЦК “Марко Цепенко”. За соодветни теми, редовно разгледуваат различни техники и дисциплини. Овојпат уживаа во сликарството и графиката изразени на платната и на таков начин добиваа искуство и одблиску ја доловуваа уметноста.
