Радост, детска смеа, ракоплескање, полно музика… Е таква беше предновогодишната атмосфера во ОУ “Климент Охридски”. Кај децата од посебните паралелки беа гимназијалците. Ги придружуваа и директорот Кире Николоски, неколку професори, а неизбежен беше и старецот со бела брада, натокмен во црвено. Не е првпат, туку по четвртпат ги развеселуваат децата со пригодна програма. Де со рецитации, де со музички песни, а и гимназискиот Дедо Мраз и годинава беше великодушен, подарувајќи íм колетчиња.
{AG}384/nasmevki{/AG}
– Задоволство е да се виде радоста и среќата на детските лица – вели професорката Кети Ефремоска.
Во новогодишната атмосфера зрачеше позитивна енергија. Ни највозрасните не можеа да ја сокријат ведрината.
– И Дедо Мраз донесе насмевки кај нашите деца. Радоста е присутна кај сите, и кај големите и кај малите – додаде дефектологот Жаклина Ѓорѓиоска Ванески.
Манифестацијата ја помогнаа Комфи ангел, Витаминка и ТА Бран.
