СОУ „Кузман Јосифоски – Питу“
Поттик на 40 ученици од СОУ „Кузман Јосифоски-Питу“ за размисла за кариерата беше предавањето на директорката на компанијата Комфи Ангел, Ирена Јакимоска. Преку непосредната средба се дискутираше за можностите за кариера. Учениците се запознаа со добрите практики и искуства од претприемништвото, бизнисот и иновациите, добивајќи шанса да креираат претстава за кариерните можности. При тоа го зајакнаа мислењето дека се иден потенцијал, инпут за компанијата, која од искуство потврдува дека голем број (осумдесетина) од администрацијата, средношколските денови ги поминале токму во економското училиште.
Средбата со реномираниот гостин од бизнис секторот е дел од проектот “Вешти и компетентни”, што МОН го спроведува во средните училишта.
