ОУ “Климент Охридски”
Со интернационалниот вештачки создаден јазик, есперанто, се запознаа учениците од дополнителна настава по математика, македонски и англиски јазик од ОУ “Климент Охридски”. Тие ги откријаа азбуката, формирањето на зборовите и богатата литература која вклучува книги, списанија и поезија низ 45 минутниот интегриран час во Друштвото за есперанто.
Наставничките велат дека децата отвориле нови видици, запознавајќи се со познатите личности кои членувале во друштвото и дале придонес во примената на јазикот во светот. Поради исцрпното предавање на Виктор Галески, учениците изразиле готовност да го научат јазикот.
Посетата на есперантското друштво е последна активност за месецот на книгата.
