В понеделник ќе започне второто полугодие за основците и средношколците. Заради екстремно ниските температури, кои во утринските часови се спушија и до минус 17 степени целзиусови, Локалната самоуправа одлучи да се одложи почетокот на второто полугодие. Ова го соопшти Марјан Матракоски, советник за образование. За пролонгирањето на почетокот на второто полугодие известени се сите основни исредни училишта како и Министерството за образование. Часовите од петок, 20 јануари, учениците ќе ги одработат во април.
