Гробари против депонирачи, чистачи против инкасатори, селектори против механичари… Така некако се поделија комуналците да ги “размрдаат” нозете во интерен турнир на мал фудбал. Идејата не е нова, туку фудбалскиот мегдан го негуваат две-три години. Демонстрираа дека се умешни не само со метлите, контејнерите, и лопатите, туку се мајстори и за дриблинзи, пасови, лобувања и голмански одбрани. Го афирмираа спортот и укажаа дека денски и ноќе го чистат градот, а рекреираат во дел од слободното време.
