РАКОМЕТ
Во салата “Сонце” попладнево (17 ч.) е првиот летен собир на ракометарките од суперлигашот Жито Прилеп. Се очекува присуство на сите професионалки, кои добро се одморија 70 дена. Не е исклучено појавување на нови членки, млади, талентирани засилувања од македонските клубови. Дефицитарна е десната страна, бековска и крилна. Тренерот Борче Марковски планира силни тренинзи за физичка, техничка и тактичка подготвеност во борбата за место меѓу трите најдобри, покрај скопските фаворити Вардар и Металург.
Наредната недела на турнирот во Струга е ждрепката за распоредот, а на 28 септември е закажан стартот на женската Супер лига.
