АТЛЕТИКА
Петмина членови на АК Трети ноември одат на Балканијада до 17 години, во Турција. Службениот претставник на репрезентацијата, тренерот Ѓорѓи Гешоски ги води: Ѓорѓија Стојаноски за 4х400 метри, Ема Бошеска 400, Фросина Вандевска 800, Леонид Вандевски 3000 и Кире Лучески за трката на 1500 метри. Гешоски, по половина век најавува нова функција во клубот.
– Олимпијката Христина Ристеска, која в година се враќа од студии во Скопје, ќе биде тренер, а јас директор на Трети ноември – образложува Гешоски.
