Во ЦК “Марко Цепенков”
Точно 19 уметници од земјава и од странство ќе творат на 15-тото издание на меѓународната ликовна колонија Марко Цепенков – Дрен 2023 во ЦК “Марко Цепенков”.
-Уметниците ќе создаваат дела на слободна тема во повеќе дисциплини, скулптура, инсталација, сликарство, користејќи различни материјали, дрво, метал, прилепски мермер, односно природни материјали, како и акрил на платно. Очекуваме 40-тина уметнички дела, кои ќе бидат дел од богатата збирка на Центарот – вели Марјан Стојаноски од ликовната дејност на Центарот.
Колонијата почна како сликарска, а од 2021 доби меѓународен карактер вклучувајќи скулпторски медиуми (метал, дрво, мермер…) со што се додава дополнителен квалитет и се става акцент. Делата ќе се презентираат на изложба во Центарот и во повеќе градови низ Македонија.
