Дела на 20 уметници, членови на ДЛУП, ќе бидат дел од годишната изложба на ДЛУП (Друштвото на ликовните уметници на Прилеп) 2022 што ќе биде отворена вечерва од 19:30 часот во ликовната галерија на на ЦК “Марко Цепенков”.
-Одржувајќи го континуитетот на неуморна ликовна креација, членовите ќе го промовираат најновото сопствено творештво. Се претставуваат во различни техники и материјали прикажувајќи ја страста за сликање. На уметноста í е потребен континуитет за да се пренесе на идните генерации. Се надевам дека ќе оставиме белег од општествено и културно значење – вели Методи Исков, претседателот на ДЛУП.