Изложба на 30 дела од 20 уметници, членови на ДЛУП, ќе се отвори вечерва од 19:30 ч. во ликовниот салон на ЦК “Марко Цепенков”.
-Одржувајќи го континуитетот на неуморна ликовна креација, членовите ќе го промовираат најновото творештво. Делата се во различни техники и материјали преку кои ја прикажуваат својата страст. Културата треба да има континуитет за да се пренесе на идните генерации. Се надеваме дека преку уметноста ќе оставиме белег од општествено и културно значење – вели Методи Исков, претстедателот на ДЛУП.
