Друштвото за наука и уметност со 50 годишна традиција го објави јубилејниот зборникот на членовите со оригиналните рецензирани трудови, кои се резултат на научните и стручните сознанија од различните области. Презентирани се сознанија за ширењето и примената на научната мисла, со што се дава придонес за развојот на државата.
-Со преку 23 трудови од 25 научни и стручни соработници, придонесуваме во примената на современите методи и форми за решавање на проблемите околу економско – технолошкиот напредок на сеопштиот развој -вели Тодор Алексоски, потенцирајќи дека ДНУ организира предавања, научни расправи, тркалезни маси и издава публикации од различни области.
