Граѓаните кои купија велосипеди и клима уреди со инвертери и ги исполнија условите за субвенционирање, од локалната самоуправа денеска ќе добијат 50 отсто субвенција. Според градоначалникот Илија Јованоски, средствата се зголемени да им се излезе во пресрет на повеќе граѓани
-Првин беа четири милиони денари за субвенционирање на инвертери, па се зголемија на 4,14 милиони денари Додека за велосипедите се обезбедени од првичниот еден милион, на 1,63 милиони денари – вели Јованоски.
Советот на општината на последната седница ја усвои програмата за организирањето и функционирањето на зимската служба за 21/22 година
Според претседателот на советот, Еленче Ташкоска, донесен е заклучокот за отворање на постапката за формирање партиципативно тело со советодавна улога при носењето на урбанистичките планови.
Советот го изгласа и годишниот акциски план за социјалната заштита. Советниците ги донесоа и регулацискиот план на ГУП за Прилеп, одлуката за определување услови и начин на давање под закуп на дел од недвижен имот со електронско јавно наддавање, како и годишните планови за вработување во повеќе основни училишта.
