Пијано рецитал ќе одржат младите надежни пијанисти Анастасија Петреска и Арсениј Ангелески вечерва од 19 часот во фоајето од ЦК ,,Марко Цепенков,,. На програмата се композиции од Бах, Бетовен, Шопен, Чајковски, Сибелиус, Зографски, Николовски.
Двајцата се ученици во музичкото училиште во класата на професорката Христина Никоска Тасеска. Гостин ќе им биде Исидора Ангелеска од Битола.
Петреска учествувала на многу државни и меѓународни натпревари по пијано и камерна музика. Носител е на многу први награди.
Ангелески го стекнал првиот успех на 51-от државен натпревар на ученици и студенти во Скопје во 2013 година, освојувајќи прва награда. Тој е и лауреат на повеќе меѓународни натпревари и добитник на специјални награди на државни натпревари. Младиот Ангелески добил сертификати за учество на семинарите по пијано кај д-р Ана Гацева, Карл Андреас Коли (Швајцарија) и Рустам Рахмедов (Турција).
