Културниот центар „Калеш Анѓа“ од селото Крушевица в недела ќе ја одбележи 114 годишнината од битката кај Маргара, при што ќе се промовира и монографија за случките од овој настан.
Новинарот, писател и истражувач, Тренчо Димитриоски, кој неколку децении ја афирмира и популаризира културата и историјата на Пелагонија, Мариово и Прекурид, ја запозна јавноста со остатоци на ранохристијанската култура во Мариово. Според него, во почетокот на христијанството се развила висока култура со бројни остатоци во атарите на селата Дуње, Витолиште, Градешница и во другите делови на овој предел.
– Се среќаваат остатоци од ранохристијанската архитектура и симболика од почетокот на развојот на христијанството на Балканот и во Македонија – потенцира Димитриоски.
Преку фотографии и збор се пренесува дел од ранохристијанското богатство.