Волонтерите преку Програмата Црвен крст во Акција- Промоција на Хумани вредности (ЦКА-ПХВ), приредуваат радост во многу семејства. Еден од тимовите изработи проект за помош на четиричлено семејство од Селце. Преку организирање хуманитарна претстава, турнир и изработка на честитки, дојдоа средства за семејството за набавка на електричен шпорет, шпорет на дрва, мијалник, училишен прибор и др. Сопствениците на продавницата за бела техника Владо Компани, кои секогаш ја негуваат хуманоста и несебично помагаат на ранливите групи, излегова во пресрет и донира телевизор и други апарати за домаќинството.
