На една трпеза седнаа свештеници на МПЦ и верски лица од ромската исламска верска заедница на велигденската средба. Градоначалникот Марјан Ристески изрази задоволство од одржувањето на седумгодишната традиција, верските достоинственици да се среќаваат на големите христијански и муслимански празници Велигден и Бајрам. Домаќините од црквата Свето Благовештение уште еднаш го истакнаа соживотот и толеранцијата меѓу верските заедници.
Веќе е договорено негувањето на добрите односи со одржување на контактите, како лани за празникот Бајрам, а годинава при крајот на јули.