Галерија на отворено
Скулптурата “Две” од авторот Александар Ефтимовски доби место во центарот, со што продолжи проектот “Галерија на отворено”. Таа е, изработена од бел мермер, и е создадена на Интернационалниот скулпторски симпозиум.
Ефтимовски создал скулптурата, висока 1,70 метри, која, претставува две геометриски форми.
– Ја вајав два месеца на 47. издание на колонијата. Таа е дел од моето творештво, почнувајќи од наједноставната геометриска форма, па стигнувајќи до органска форма. Каменот е груб, но кога ќе му дадете облик, добива ново раѓање, дело за допирање и гледање – потенцира уметникот.
Александар Ефтимовски е роден во 1988 година во Скопје. Академското образование го стекнал во Италија. Магистрирал на Академијата за ликовни уметности во Карара. Добитник на неколку награди, меѓу кои и за талентиран млад уметник.
Општината продолжува со поставување скулптури во “Галеријата на отворено”.