11 Октомври
Есенските 13 бода се скромни, но во 11 Октомври гледаат светло на претстојните 15 пролетни кола. Дека нема предавање потврда е секојдневната работа на Владимир Мицески со младиот играчки кадар. Недостасува стоперот Илиески и напаѓачот Мирчески, но доаѓаат од Победа и Пелистер. Во одбраната најавен е искусниот Шалевски. Веќе стартуваше серијата тестови. На првиот во Големо Коњари резултатот е 0-0, а првата постава е Гоновски – Андреевски, Паноски, Кукески, К. Ристевски – Иваноски, Спиркоски, Г. Здравески, Дунимаглоски – Шаркоски, Никовиќ.
До првенствениот старт предвидени се мечеви со Зајас, Царев Двор, Победа, Пелистер и Напредок.
