“Со фрлањето во осветените води во Охридското Езеро на Богојавление во Охрид, ми се исполни голема христијанска желба, која тлееше во мене многу години”.
Ова го изјави пратеникот на ВМРО – ДПМНЕ Панче Дамески, кој без колебање се нурна во потрага по светиот крст во студените води на Езерото меѓу стотиците верници.
– Празникот, со сета своја духовност, има огромно значење. Вековната традиција претставува еден од најрадосните празници во православието. Тој е симбол на духовното раѓање, почеток на човековото живеење со верба во Бога и прочистување на човековата душа. Ја зацврстува верата и поттикнува негување и ширење на православното христијанство, кое проповеда мирен и спокоен живот, покајание и прочистување од гревовите, трпение, толеранција и промовирање на вредности и принципи, важни за секојдневниот живот – објаснува Дамески, кој, првпат за Водици, “го барал” Крстот.