Игралиште
Забрзано се одвива градбата на новото помошно фудбалско игралиште кај некогашната Зоолошка, во населбата Вишне. Работите не запираат ниту во студените магливи, зимски денови. Во близина на типските куќи е правоаголникот со димензии 77 со 114 метри. Површината е убаво дотерана, израмнета, со бела подлога. Врз неа ќе биде поставена вештачка трева.
Спортскиот објект е со сите нишани, водоводна и канализациска мрежа, дренажа. Игралиштето е прво од ваков вид во градов, според стандардите на УЕФА и ФИФА. Завршувањето на проектот со нетрпение се очекува од сите екипи и фудбалски школи, бидејќи во моментов само игралиштето на Могила е во добра состојба, а сите останати, вклучително и Градски, се во лоша. Според информативната табла, изградбата на теренот кај Зоолошката чини над 100 илјади евра.
Новото игралиште е со заложба на ФФМ, ОФС и Локалната.
