Младиот филмски и телевизиски монтажер Филип Петрески ја освои наградата за најгласно видео. Ги освои симпатиите на публиката со музичкиот спот за песната Bohemia Junctionn од групата Bombay Dub Orchestra од Лондон, организиран од веб сајтот Talenthouse.com. Ова му е прва награда на младиот творец, кој вели дека многу се израдувал и дека ќе му биде потстрек за натамошна работа.
– Беше предизвик спотот. Сакав да учество и не очекував награда. Еве публиката го оценила за најдобро моето видео и ми ја додели наградата која ќе ми биде стимул во натамошната работа – вели Филип.
Петрески дипломирал филмска и телевизиска режија во Благоевград. Повеќе години изработува кратки филмови, музички спотови, а преокупација му се и клиповите. Учествувал на филмскиот фестивал In the palace во Балчик, Бугарија, а со дипломскиот филм “Бегство од гробовите” се претставил на повеќе филмски фестивали во Бугарија, во Бања Лука, БиХ.
