Премиера на МТЦ “Зона”
Младинскиот театарски центар “Зона” со средншколската група ќе дебитира со премиерата на претставата “Чернодрински се враќа дома” по текст на Горан Стефаноски на 22 мај, в среда, на сцената на тетарот.
Предизвикот го прифати квартетот едукатори и ментори во името на Даниела Иваноска, Марија Спиркоска Илијеска, Мартин Наумоски и Кирил Петрески. Претставата се спрема макотрпно неколку месеци. Главниот товар го презедоа младите актери кои покажаа фантастична желба и посветеност. Затоа постои надеж за силна поддршка.
– Сите актери создадат мозаик за освежување, младешка енергија и одлична игра – велат од асоцијацијата “Зона”.
Ќе играат Филип Стојаноски, Вања Младеноски, Андреј Димитриоски, Стефан Петрески и Горјан Ристески Ангела Чупетреска, Марија Јованоска, Матеја Илијеска, Искра Спиркоска, Марија Јовеска, Сара Атанасоска, Илина Радеска, Евгенија Димитриоска и Дора Иваноска.
Со оваа претстава “Зона” ќе настапи на претстојниот фестивал ДАФ во Кочани на 25 мај.
