Изложба
Триесетина слики ќе биде содржината на изложбата на ликовната колонија „Нижо поле“ што ќе биде отворена вечерва од 19 часот во ликовната галерија на ЦК „Марко Цепенков“. На увид ќе бидат дела од 16 уметници од Македонија, Србија и Бугарија, учесници на 18-тото издание на меѓународната колонија, што последните години традиционално се одржува на Молика, каде уметниците се вдахновени од убавините на Пелистер.
