Младинска претстава
Група младинци подготвуваат театарска претстава. Не само што актери во претставата се ученици, туку и режијата и изборот на костимите е во рацете на деца. Подготовките ги интензивираат затоа што нивниот аматерски театарски производ сакаат премиерно да го изведат на 9 февруари. “Се што сакав да кажам, но никогаш не можев”, е специфичнниот наслов на претставата.
– Дали ние сме тоа од што се плашиме? „Не. Но, стравовите со кои немаме храброст да се соочиме, стануваат наши лимити” – вели режисерката Стефанија Стефаноска.
Режисерот Марио Велковски смета дека стравот не е реален и дека претставува избор, кој секој треба да го направи.
– Претставата дава до знаење дека нештата кои можеби ги премолчуваме или се воздржуваме да ги направиме, се последниот чекор до целта – вели Велковски.
Предпремиерата ќе се одржи на 8 февруари, а репризата на 10 февруари. Играат: Лора Штаргоска, Наум Ѓорѓиески, Афродита Петкоска, Тома Чкатроски, Илина Стефаноска, Јована Трајкоска, Андреј Димитриовски, Михаела Петреска. Координатор е Никола Тумбовски. Костимограф е Марија Биновска.