Пет медали од кои 3 сребрени и 2 бронзени освои ЏК Сеишин на Меѓународниот турнир во џудо за помлади пионери/ки и деца во Сливен, Бугарија. Меѓу 250 натпреварувачи, прилепскиот клуб настапи со 5 натпреварувачи, а освои и толку награди. Поединечно Анастасија Кузманоска го освои второто место, како и Теа Настоска, Леона Настоска, додека Теона Настоска и Андреј Сотироски освоија 3-то место.
Турнирот беше во организација на Спортската академија за џудо и самбо „Биоком-Ставен” од Сливен.
