ОУ „Добре Јованоски“
Петтоодделенците од ОУ „Добре Јованоски“ изработија збирка од детски мисли по повод Денот на учителите, 5-ти Октомври.
Со цел да докажат и покажат дека наставникот е светлина кон иднината на учениците, петтоодделенците под менторство на наставничката Каролина Николоска, во соработка со колешките Винета Џумеркоска, Величе Јованоска, Билјана Ангелека, Снежана Андоноска и Ленче Мирческа изработија збирка од детски мисли преточени во проза и поезија. Во неа се воспева големината и значењето на зборот наставник.
– Збирката е наша гордост, уште еден од многуте бисери на тимска и успешна соработка меѓу учениците и наставниците – вели Николоска.
Воедно, Еко одборот ја отпочна акцијата „Зелен двор”, со која се предвидуваат многу активности во октомври заедно со вработените, родителите и учениците со цел да се вклучаи и да дадат придонес во разубавувањето на училишниот двор.
Во рамките на Детската недела, првачињата дадоа заклетва и станаа членови на детската организација.
