В среда од 20 часот, во ликовниот салон од ЦК „Марко Цепенков“ ќе се одржи пијано концерт на десетина ученици од МУ „Ордан Михајлоски – Оцка“ во класата на професорот Христина Никоска.
Матеја Блажеска, Ангела Качакова, Климент Тавчиоски, Давид Аљакоски, Елена Дамеска, Катерина Николоска, Михаела Ристеска, Арсениј Ангелески, Исидора Ангелеска, Емануел Петрески ќе пренесат дел од делата на Хаслингер, Шаум, Штраус, Вознјак, Шопен, Мајкапар…
Концертот е во рамките на Прилепското културно лето, а со него се одбележува и Осми септември – Денот на независноста на Македонија.
