Се гради кејски ѕид на градската река на потегот од пешачкото мовче до градскиот базен на барање на жителите од населбата Аличаир кои живеат на ул. Кеј 1-ви Мај. Најпрвин се уреди речното корито, со средства од општинскиот буџет, а градењето на кејскиот ѕид ќе придонесе за урбан изглед на овој дел од градот.
– Градбата на околу 700 м кејски ѕидови се финансира од буџетот, а вредност е шест милиони денари. Предходно, за реконструкција на водоводната и канализационата мрежа на ул „Кеј 1-ви Мај” се поставија нови водоводни и канализациони цефки и се изградија колектори. Со завршувањето, сосема ќе се асфалтира улицата – вели градоначалникот Марјан Ристески.
Изградба на кејски ѕид локалната самоуправа има предвидено и во долниот тек на градската река, од мостот кај „Димо Наредникот” до населбат Жабино Мало.
