Во ОУ „Добре Јованоски“
Се гради котларница во ОУ „Добре Јованоски“ со која треба да се затоплува спортската сала. Инвестицијата ќе овозможи спортување во зимските месеци како за учениците, така и за спортските активисти. Локалната самоуправа вложи и во набавката на безжичниот спортски семафор, кој е прв од ваков тип во Македонија. Со новиот систем за затоплување и со семафорот, спортскиот објект ги добива сите потребни атрубути за одвивање на било каков спортски натпревар.
– Од буџетот на локалната самоуправа се вложени 1,2 милиони денари – истакна Марјан Ристески, градоначалник.
Од ОУ „Добре Јованоски“ најавуваат нови инвестиции.
– Во август ќе почне реконструкција на училиште во центарот за воена обука. Таму ќе се промени дограмата, ќе се спуштаат таваните, ќе се преградува влезната врата и ќе се реконструира дел од фасадата – вели Панде Николоска, в.д. директор во ОУ „Добре Јованоски” во Прилеп.
Спортската сала е четврта училишна сала која се изгради, како дел од проектот на претходната Влада за изградба на 145 спортски сали.
