Екипата по прва помош од Гимназијата „Мирче Ацев“
Гимназиската екипа во состав Теодора Стеваноска (капитен), Елеонора Михаиловска, Петар Тодороски, Искра Димоска, Јана Наумоска, Цвете Јанеска, Трајче Маџоски во силна конкуренција од цела Македонија, го освои четвртото место на 25. државен натпревар по прва помош во Кавадарци.
– Работевме тимски, одговорно и посветено. Дадовме се од себе Прилеп да го претставиме во најдобра светлина. На државниот натпревар учествуваме вторпат и за следната година се надеваме на подобар пласман. Освоеното место не е најважно. Најважно е што сме обучени лица за прва помош и да спасиме нечиј живот. Во градот на грозјето и виното не само што се натпреварувавме, туку создававме нови пријателства и стекнувавме нови искуства – вели Теодора Стеваноска.
Важноста на натпреварите е што учениците се стекнуваат со вештини за давање прва помош.