Импозантниот споменик на Крале Марко на коњот Шарец, што е дело на скулпторот Војдан Запров ќе биде поставен на плоштад. Во тек е поврзувањето на лиените делови во Скопје. Верификацијата на симболот и епитетот што го носи градот под Марковите Кули или градот на Крале Марко преку грандиозното споменично обележје на атрактивната локација ќе се случи за празникот на градот Трети ноември.
При крај се градежните активности на постаментот кој треба да биде висок над три метри, а споменикот во бронза околу пет и широк околу шест метри. Легендарниот заштитник на Прилеп ќе биде осветлен. Во подножјето, в година, ќе се постават релјефи во мермер со прикази за битките на Марко со завојувачите.
