Учениците од ОУ “Гоце Делчев”, кои тренираат во различни џудо клубови, на државно натпреварување ги зграпчиле скоро сите медали. На првенството во џудо во Битола учествувале над 120 ученици – љубители на далекуисточната фајтерска дисциплина од цела Македонија. Во машка и женска категорија, и поделени по килограми, боите на училиштето успешно ги бранеле: најмалиот, Леонид Пажески, Теодора Димеска, Сара Пажеска со освоено прво место и диплома. Веднаш до нив, со сребро се закитиле: Михаела Милошева, Стефана Џамбазовска, Тале Трајковски и Марио Цинцароски. Да ги соберат сите благородни метали, бронзата ја зел Константин Шеќероски. Забележително учество имал и Никола Лозановски. Менторот Ристо Тошески е среќен што учениците “ожнеале” толку медали.