Одделение за Физикална медицина и рехабилитација
Откако вирусот Ковид 19 ќе ги врзе пациентите за постела, две, три недели, па дури и повеќе од еден месец, докторите, физијатри, заедно со физиотерапевтите се вклучуват во рехабилитација на болните. Им помагаат повторно да застанат на нозе, да им се олесни дишењето и да им се зголеми волјата за живот.
На иницијатива на началникот на одделението Д-р Марија Спиркоска, и под контрола на докторите физијатри, се спроведува рехабилитација на пациентите.
После прегледот на докторите, се препорачува терапија, индивидуално за секој пациент. Ја спроведува тимот на физиотерапевти организирани од главниот физиотерапевт Христијан Стојкоски.
Се прават вежби за дишење да им се зголеми сатурацијата, дренажа за искашлување на секрет, активни и пасивни вежби за јакнење на мускулатурата, вертикализирање на пациентот…
Докторите, физијатри, тимски со физиотерапевтите, се алка во синџирот при лекување на пациентите од Ковид19, светла точка во која болните гледаат помош и надеж.
