Комуналец завршува со уредување на дел на улицата “Александар Македонски” од влезот кај Лук оил. Се уредува централниот дел од 800 метри со аризонски чемпрес и украсни туи. Засадени се 450 садници, а на основата ќе се посејува и англиска трева. Комуналец апелира на внимателност и грижа за зеленилото. Веќе на местото од украдените десетина садници ќе се насадат нови.
Инаку, Комуналец во соработка со Водовод и канализација, Противпожарната единица и АРМ генерално го чисти градот во секој негов дел. Тоа значи миење на улиците, чистење на депониите, пополнување на дупки на патот и сите оние аномалии кои се последица од зимскиот период. Тоа е традиционално предвелигденско чистење.
Пролетва сите паркови и детски игралишта ќе бидат обновени и ќе се создадат нови зелени површини со нови бунари за полевање.
