Претставници од Секторот за компјутерски криминал при СВР Битола ја предупредуваат бизнис заедницата за зачестената појава на различни видови измами и како да се заштитат. На граѓаните им се укажува дека непознати лица преку социјалните мрежи или приватните електронски адреси меркаат корисници и испраќаат линкови до веб страници и сервиси преку кои се ветува лесна заработка, злоупотреба на платежните картички и други измами.
Да се избегнат такви сценарија, се предупредуваат граѓаните да внимаваат да не станат жртви на инвестициски измами при купување на движен и недвижен имот и сите останати измами. Им се советува да бидат претпазливи кон сите понуди што ветуваат нереално високи приходи за многу краток временски период, оти тоа е првиот и најочигледен знак дека станува збор за измамнички намери.
За време на комуникацијата не треба да се даваат лични податоци, фотографии од лични документи, банкарски картички и лозинки за апликации за банкарство преку интернет или други податоци за овластување на банкарски трансакции.
СВР Битола продолжува со превентивните активности за спречување на измамите. Се преземаат мерки за откривање и расчистување на измамите.
