ЈЗУ Општа Болница со проширена дејност
Директорката на ЈЗУ Општа болница со проширена дејност, Кети Смилеска, додели решенија за признавање на образованието на 20 медицински сестри. Направен е чекор за подобрување на статусот на здравствените работници.
– Медицинските сестри се еден од столбовите на здравствениот систем. Со искуството, знаењето и експертизата значајно придонесуваат за подобрувањето на исходот во лекувањето на пациентите – се зборови на министерот Венко Филипче. Препознаен е квалитетот и признаена е професионалната квалификација во насока на идентификување на професионалците во здравството, како што се медицинските сестри. Во овие времиња на справување со пандемијата, здравствените работници одиграа важна улога – истакнаа на ФБ страницата од Општата болница.
Ова е потврда дека во болницата владее клима за грижа за човечкиот капитал со признавање на вложениот труд во стекнувањето на академската диплома. Одговорноста е посилна во остварувањето на задачите, соодветно на образованието.